加盟新公司满足两大条件 陈国邦讲金同时守使命

etin

入行30几年的陈国邦过去大部分时间都是自己接工作，近期突然加入英皇娱乐，除了是出于老朋友穿针引线，更是因为公司愿意接受他开出的两大条件，故乐于动笔：“20几年嚟都系自己想做乜就做乜，拍戏、舞台剧、几时休息都系自己决定。我提出咗两个条件，就系每年畀个半月时间我喺大学教书，教咗6、7年有情意结、使命感，教书嗰阵亦会谂起老师锺景辉讲书。第二样系金钱考虑，虽然唔多产，但工作上一直唔需要担心，仲保持到几好嘅生活，公司畀到基本嘅收入我，我又唔使去负担演员最唔擅长嘅搵工作，呢个系好好嘅时机。”

恨同霆锋合作

演技派的国邦加入新公司反而对演出没有要求，享受工作的不确定性：“好多人都问我仲有咩角色想做，但系我呢个年纪就冇咗呢个心态，每个角色只要细微分析，就会有挑战。如果想拍就系科幻片，想像、创作空间可以好多。”加入英皇后成为谢霆锋“师弟”的国邦，期待双方见面及合作。

​

国邦的女儿陈禛在电影《梅艳芳》的演出赢得不少片商垂青，但最终却全部推掉，他说：“佢系好锺意表演，但唔系咁享受娱乐事业，佢好明白系两回事，佢谂过唔想做，就全部同佢推咗。”对于女儿会否发挥演艺天分，将来继承父母衣钵？他表示未有确实想法：“佢想做应该去读书，由学问开始，就会知道自己嘅选择。”