杨秀惠再度秘密生B 情人节宣布细女出世

etin

艺人杨秀惠前年于马来西亚秘密生女，去年回港打理生意兼过新年嘅佢，原来已秘密怀有第二胎，昨日仲趁住情人节宣布已经生B，仲透露今胎都系生女！佢一如以往喺社交网晒出一家人拖手相，由3只手变成4只手，佢表示：“非常开心，在农历新年来临前，我们家里增添了一位新成员，一家三口变成了一家四。虽然非常忙碌，但我们全家人都非常开心和兴奋小妺妹的到来。见到姐姐非常疼爱妹妹，主动抱抱锡锡妹妹，就感到无比的开心和感恩。祝大家新一年身体健康，心想事成，一家平平安安，情人节快乐。”

其实睇番佢嘅社交网，过去半年嘅相大多数都系遮肚，或着松身衫示人，而日前佢甫出自拍照，仲明显睇到脸上有水肿，相信当时正准备临盆。杨秀惠接受访问，表示：“BB 重6.8磅，生产好顺利，BB年初一返屋企，可以感受到农历新年气氛，家姐好锡妹妹，见到佢好锺意妹妹，自己都好开心。（这段时间疫情期间有冇特别措施？）疫情期间样样都好小心，除咗去医院之外，边度都冇去，生产两个月前，到依家都冇出过街！”