姚子羚拍打戏大压力 练到双手瘀晒

etin

姚子羚在新剧《铁拳英雄》中扮演擅用峨嵋刺的金福妹，观众赞省镜，睇得又打得有板有眼。虽然事前接受了特训，但今次拍剧她自言是最大压力的一次，她说：“其实真正拍打戏系《同盟》，同埋只系得一场打戏，其他都系揸枪，同今次要打功夫系两回事，自己一直好担心外在因素，因为太过纤瘦，惊打出嚟冇说服力，好彩出嚟效果都满意。”

子羚对武打自言是一张白纸，唯一可取是忍得痛，她说：“套剧两3日就一次大打，隔日就一次小打，拍打戏好大压力，因为去到拍摄先知点打，师傅即场度招，演员就要即刻学招，跟住练习就打，记招都已经好难，仲要打得流畅真系唔容易，自己唯一好处就系唔怕痛，嗰排每日返屋企两只手都系瘀晒。最惊系赶唔上进度，一场打戏电视出街1分钟，但系我哋可能拍咗1日，拍打戏比文戏真系难好多。”

子羚又指与对手过招时压力也很大，因用峨嵋刺，虽然是道具，也担心会弄伤对手，她说：“峨嵋刺都畀我整断咗几枝，拍打戏同真打唔同，系要掂到就收，但有时自己用咗蛮力，所以都锺意同男仔打，好似同李嘉打就点打都冇问题，我点打佢都唔会痛，哈哈。”