胡定欣畀仔仔怒睥 陈山聪自爆：佢两个其实好老友

etin

艺人姚子羚与陈山聪昨日出席剧集《铁拳英雄》的宣传活动，另外两位主角唐诗咏及陈展鹏分别因病及拍剧而未能到场，该剧收视达25点，成绩不俗，山聪现场许下承诺：“如果有35点收视，我就着泳裤。”并游说子羚着三点式：“真系好耐冇35点，如果有就牺牲吓。”子羚随即答应，但补说：“三点式加件褛啦！”

提到胡定欣与李施嬅探望山聪的儿子Jaco，施嬅成功冧得Jaco笑，但Jaco就冷淡对待定欣，山聪解释：“因为定欣成日整鬼Jaco，其实有啲佢两个好老友嘅片，但我冇摆出嚟，Warm Up咗之后，佢一直畀定欣抱住都冇问题。（你喺社交网留言话怀疑定欣有体臭，所以Jaco咁样对定欣？）原本佢睇唔到我留言，但有报道写咗出嚟，佢即时打嚟闹我‘玩嘢呀’，我要封多两封大利是畀佢。”

另外，讲到新年，子羚透露有去拜神：“因为犯太岁，所以去求个安心。（有冇求姻缘？）除咗希望剧集收视好，我都有求姻缘，希望早日遇到如意郎君。（你唔系已经有？）如意郎君唔嫌多。”