张曦雯自爆于美国确诊新冠肺炎 做足防疫措施仍染疫

etin

张曦雯去年于美国洛杉矶参加朋友婚礼时，确诊变种新冠病毒Delta，她于社交网上载抱狗照并讲到当时情况，她指自己去年做足防疫措施下仍然确诊，令她大感疑惑：“我做足晒所有防疫措施下，呢件事（指确诊新冠肺炎）竟然喺意想不到下发生，旧年喺美国嘅时候，好彩围绕我嘅身边人无事，我到依家都谂唔到点解我会染疫。”张曦雯昨日（4日）接受访问，她说：“喺美国中咗，当时自我隔离咗五日，再做测试经已无事，隔离多几日后，再去做多一次测试，都系无事，就可以出番嚟。”现已回港的张曦雯，因香港近来都爆疫，所以农历年间佢都自我隔离减少外出，并笑言今年农历年利是进帐应会减少。

冇入过医院

张曦雯续被问到确诊后有冇入过医院？她说：“冇入过医院，初初都只系有啲感冒征状，流鼻水同打喷嚏，冇喉咙痛、冇咳、冇发烧，两、三日之后，食嘢开始冇味，就知有问题，我细佬系医生，即刻帮我安排好晒所有嘢，因为我未知自己有事时，都有同屋企人一齐食饭，佢哋即刻消毒屋企，同埋安排屋企地库畀我自己隔离，地库有床、有厨房嘅，之后成家做测试，好彩全部无事，我隔离第5日再做测验都已经无事，第10日再做都系一样，咁就可以出番嚟。”

现于开紧TVB剧《破毒强人》的她，都小心为上：“如果去啲空气唔流通嘅地方，一Cut机就会行出去等，出外景亦唔会坐剧组车，会返自己车坐，一个人等埋位，其实到依家我都唔知点解会惹到，因为问咗好多我确诊前见过嘅身边人，佢哋全部都无事嘅，只系得我一个中咗，总之，要小心为上，今日我都要开工，会一切小心。”

有份拍摄《破》的艺人萧正楠及曹永廉接受访问时指未有听闻此事，萧正楠表示：“完全冇听过，不过中咗之后好番应该有抗体，我谂同事都唔使太担心。”曹永廉则谓：“唔知佢之前中新冠肺炎，依家好番即系无事，我本身啲约会都取消晒，只会同屋人聚会。”至于何广沛就指：“呢套剧拍咗两个月，Kelly返咗香港好耐，我哋拍剧期间防疫意识都好高，有戴口罩，好少聚埋一齐，Kelly拍完自己镜头都会去啲人少嘅地方，或者返自己车，大家都会做足防疫措施。”