洪永城第一次以老窦身份过年 晒爱的宣言冧妻

etin

艺人洪永城同老婆梁诺妍嘅爱女Amber去年12月出世，到依家都只系仅仅两个月大，一对新手爸妈加埋爱犬，今年第一年“一家四口”咁过，就算冇得出街，都梗系要影相留念吓。二人就将阿女着到红卜卜咁，头上仲戴埋大大个发箍，一睇就知佢哋真系有帮个女悉心打扮，一家四口仲齐齐影全家福，而洪永城同梁诺妍就各自晒出老公／老婆视角相，几咁Sweet！网友就发现洪永城啲单人相幅幅都未Ready咁款，而梁诺妍啲相就以“魔鬼角度”高炒，睇嚟佢两个都唔系咁识揸机啵。不过洪永城啲留言就甜到漏：“大家恭喜发财，各自各精彩，寻找到你嘅世界，继续虎中作乐 😂😂😂😂🧧🧧🧧🧧@inez_leong 无论你眼里有冇我，我都只有你。”