视后都冇面畀！胡定欣送上门派利是反遭冷处理

etin

视后胡定欣对好友陈山聪囝囝陈霆轩（Jaco）锡到燶，虽然佢经常被Jaco冷待兼黑面，但都无减其爱意，昨日佢就同袁伟豪、张宝儿等人齐齐到山聪屋企拜年，仲亲自封利是畀Jaco，点知Jaco一如以往劲冷淡，多谢、恭喜都冇句，频频想伸手抢利是，胡定欣退而求其次，只要求Jaco锡锡补数，点知Jaco照样冇面畀，拧歪面唔肯锡锡，令定欣劲无奈，最后都系唔忍心送上利是，佢笑言：“我知道啦，根本陈山聪喺屋企就系咁教佢，咩都唔使讲，总之拎咗封利是先，你，好自为之！”反观同场袁伟豪凼得Jaco劲开心，一齐大玩“人肉过山车”，打成一片。至于定欣喺社交网甫出与侄仔嘅合照，见侄仔对住定欣笑晒口，个样冧到爆，同Jaco完全差天共地，难怪定欣都唔甫同Jaco嘅合照，袁伟豪即问道：“Jaco呢？”定欣就表示：“叫佢面壁思过！”