猪笼入水出新歌 陶大宇自爆买衫终于唔使睇价钱

etin

艺人陶大宇到花墟宣传贺年新歌《红陶大宇喜迎春》，希望歌曲在虎年能带欢乐给大家，他笑说：“首歌喺内地录，以我嘅资质，一个下午就搞掂啦，不过，始终我唔系唱家班，要多谢制作人畀我嘅鼓励同信心，自己嘅戏剧作品就多，第一次拥有一首自己嘅歌，感觉好开心。”

问到大宇可会为新歌拍MV？他说：“原本计划喺花墟拍买花、运吓桔，同市民喜气洋洋，可惜依家情况唔许可，最后只能够将录音花絮剪辑。（网民投诉新歌曲入面嘅招牌‘嘘’声唔够多？）原本是连‘嘘’都冇，系我提议加落去，我觉呢个特色一定要，系首歌嘅关键，希望‘嘘’一声，开心嘅保持气势，唔开心嘅就嘘走衰气。”

凭翻唱《倒转地球》爆红的他被问到是否猪笼入水？他说：“有工作就有收入，冇特别去计多少。（买礼物奖励自己？）我部车揸咗10几年都冇换过，唔会一手松就身痕，应付到基本需要已经好满足。不过以前买衫要先睇价钱牌，依家就睇靓唔靓，可以长期系咁都好幸福。”