胡定欣拍剧冇得戴罩担心中招 疫境工作叫停！

etin

艺人胡定欣与周家怡昨日（6日）在尖沙咀出席慈善数码艺术展。胡定欣分享两年前到尼泊尔首次探访的经验时感动到哽咽，她受访说：“自己亲身经历可以知道当地女童无论生计、童婚、性侵问题都需要帮助，自己助养咗1个女童，一年后见到佢面带笑容嘅相，相当感动。”周家怡则由2013年开始助养儿童，看见他们由小朋友长大变大人，感受很大，自己亦曾打算到乌干达探访，但因当地爆发病毒未能成行。

​胡定欣最近为无綫新剧《破毒强人》开工，在面对新一轮疫情下，她说：“晚上6点之后冇堂食，依家又好似回复番1年前咁，睇报道都觉得要控制嘅，大家都要小心啲，未知剧组有咩措施，睇到隔咁远都中招，我哋拍剧好多时都戴唔到口罩，开工都有啲担心。”

她们又指在新一轮疫情下无论搵银工作，到朋友聚会也叫停，她说：“连修甲、做Gym都去唔到，不过，好好彩睇咗张敬轩第十场演唱会，之后佢就延期。”周家怡说：“原本公司会拉队去睇张敬轩尾场，但系要延期。本来有朋友嘅食肆、美容院开张，依家都停晒。”