黄嘉雯上山行大运 劲晒长腿蚂蚁腰

etin

前港姐冠军黄嘉雯热爱户外活动，近日佢相约友人行山，同时为新一年行个大运，佢喺社交网大晒多张靓相，见佢以粉色短版小背心上阵，大晒纤幼蚂蚁腰，仲隐约露出腹肌线条，而着上超贴身运动长裤嘅佢，亦骚出修长美腿，相当吸睛，佢留言表示：“2022年行个大运山，新年流流就挑战呢个8级难度嘅鸡公岭，足足行咗5个钟，完全无谂过自己可以挑战到，所以绝对要畀个叻叻自己。全程没有遮荫，所以真系天气冻先好去行，如果唔系会中暑死。建议由元朗逢吉乡出发会比较轻松少少，终点会系上水，因为个夺命山坡真系过完个山顶不停又有下一个山顶，最后嗰段落斜就真系最攞命。不过总结，风光明媚，非常值得挑战！2022年，一定行大运。”