邓佩仪回顾2021年：最难挨的一年

etin

踏入2022年，好多艺人都回顾2021年，而近月去咗加拿大嘅艺人邓佩仪（Gloria）都唔例外，佢发长文写道，直言2020同2021年系佢最难挨嘅两年，亦系佢Grandma过世嘅一年。佢提到记得有次返工有同事问佢点解冇energy，其实原来当时佢为拍摄已经几晚冇瞓，朝早4点拍完仲要去超市买4袋日用品，之后番到屋企只有两个钟时间冲凉、打扫同洗衫，之后又去拍嘢。佢仲话记得有次冇饭食同冇瞓觉，攞住太多嘢番屋企，点知手抽筋，跌晒啲嘢喺地下，所以佢忍唔住当场跪地痛哭，但佢嗰时好坚强，同自己讲呢啲小事唔算得系啲咩：“告诉自己虽然一个女生是很不容易，但不可以这么软弱。”最后她亦提到每人背后都有唔同困难同责任，所以要多啲关怀身边人，发放多啲正能量！一众圈中好友同网民都纷纷留言鼓励佢！