龚嘉欣想未婚生B 获陈凯琳传授生B秘方

etin

艺人龚嘉欣昨日（1日）出席元旦活动，自言久未放假的她前晚（31日）幸运地有空档，即相约好友陈凯琳（Grace）及其家人一起打边炉，还自爆对方传授了生仔秘方给她：“我个朋友圈包括Grace、我嘅化妆师同发型师，成班都好Close，佢哋都生咗小朋友，争我未结婚生仔，个个都好戥我心急，所以就送啲BB衫畀我，叫我放喺床褥下面瞓，话系生仔秘方喎。（婚都未结就谂生仔？）佢哋话唔紧要㗎，唔好谂结婚住谂咗生仔先，个次序唔同都冇所谓，哈哈！”

她坦言不介意未婚生B，但要先认定对方能成为终身伴侣：“都要对方同屋企人都唔介意，最重要互相沟通好先。（放好啲BB衫未？）未试呀，搵咗个对象先啦。（有冇搵阿Bob（林盛斌）帮手？）佢两年前讲过话介绍畀我，我等到依家都未有消息。（系咪要求太高？）唔系啦，善良有爱心就得。”另近日因拍剧弄至周身瘀伤的她，指虽已加护具，但也难以避免受伤：“主要系吊威吔同对打嗰阵整亲，拍嗰阵太投入，有时啲Pad移咗位都冇为意，冲凉时望到块镜先知咁夸张。（有冇爆喊？）真系滴咗滴眼泪，不过真系一滴啫，我系打女嚟嘛。”她指今次比拍《杀手》时打得更劲，伤得更厉害，问到以后拍打戏会否就住，她说：“身边啲朋友都叫我唔好再拍打，佢哋比我更加心痛，所以呢套应该系最后一套，未必会再拍打戏。”