七魔女齐人！佘诗曼“骑劫”梁靖琪囝囝生日P

etin

视后佘诗曼近日终于返香港过节，继日前搵曾志伟聚会密斟，最重要系佢要席好友梁靖琪（Toby）囝囝施睿文嘅2岁生日P，当中“七魔女”其他成员汤盈盈、周家蔚、锺丽淇、姚乐怡及文颂娴梗系有份现身，仲齐人影大合照，星光拱照Toby阿仔！唔好以为小朋友生日会，主角一定系寿星，估唔到今次佘诗曼难得见人，连Toby自己都要Post对方嘅靓相，仲晒出佘诗曼亲手喂Toby囝囝嘅片段，又留言笑佢母爱泛滥，疯狂喂阿仔食唔同嘅嘢：“佘​姐姐，你今日仲有咩未畀佢试？又棉花糖，又雪糕，开心过去游乐场，roro嘅第一次就咁畀咗你，咁你冇得咁易松人啦，佢成个心都响你度，你成功啦，不过你走唔甩Lu🤣”睇嚟呢个契妈仲百厌过BB呀！