打到周身伤！龚嘉欣惯咗唔识痛：我系打女嚟㗎嘛

etin

艺人龚嘉欣去年于剧集《杀手》做打女而人气急升，更首度夺得“马来西亚最喜爱TVB女主角”，荣登马国视后。今年佢再接再厉，于新剧《四十二章经》再做打女，向来唔锡身嘅佢，昨日再次打到周身伤，佢喺社交网大晒伤势，见佢手臂有一大片紫黑色嘅瘀伤伤口，伤势由上臂一路延伸至手腕，睇见都戥佢可怜！不过佢就笑言拍摄时太投入，系拍完先发现受伤：“每一次拍打戏都唔会谂太多，净系一心想做好个动作，真系拍完返屋企冲凉先发现，同埋终于识痛。所以听日做嘢都要着长䄂衫，惊吓亲大家。放心，我已经习惯咗，因为我系打女嚟㗎嘛！”