2022第一单喜事？吴卓羲举家撑菊梓乔：我嚟得仲怕咩！

etin

艺人吴卓羲（Ron）与菊梓乔（Hana）的关系十分暧昧，早前因Ron于社交网“泄蜜”，发了一个空白冇字的贴文，但却只hashtag了Hana，令全城热估他们是否要公开恋情，可是最后中“空宝”，双方否认。不过，两人的关系应该更进一步，有突破性发展！因为昨晚（31日）Hana现身中环海滨活动空间，为《2021美丽的夜香港跨年演唱会》表演，而Ron竟然特别前来捧场，难怪Ron一进场即被记者围攻。而他完全未有闪缩回避，更自爆：“我买飞嚟睇㗎，我全家都嚟咗！（捧Hana场？）除咗佢，仲有草蜢，不过，佢都有叫我有捧佢场，大家都系好朋友。”

记者指他们台上台下一起倒数很甜蜜，Ron则说：“我都系第一次睇倒数骚。（觉得Hana表演成点？）唱得几好。（好似有啲声沙喎！）可能唱咗几首歌，但佢表现得好好。（嚟捧场系咪公开放闪？）唔讲呢啲嘢！（佢系你女友？）唔讲呢啲！（一家人嚟睇见家长？）你哋逼死我啦！（屋企人对Hana有乜嘢评价？）冇讲，屋企人嚟睇任贤齐。（咁你嚟睇菊梓乔？之后点庆祝？）我今晚要早啲瞓，听日有工作，要去谢票。（你咁唔浪漫？）我唔想喺密室开party，我嚟呢到都预咗见到大家，其实我嚟得仲怕咩？”全程兵来将挡，应付自如，最特别的是，他没有否认或承认Hana女友的地位，加上一句：“其实我嚟得仲怕咩！”明显他和Hana的关系绝非好朋友咁简单！