陈晓华唔怕接触灵异 想交流倾偈

etin

无綫小花陈晓华（Hera）喺无綫热播奇幻剧《异搜店》担任女一，佢话同角色“祖仪”性格相似，代入感好重︰“听到人哋嘅故事会代入咗，可能祖仪望到一家人喺度喊、经历紧啲好唔开心嘅事，就有相同感受，以前喺医院做护士嘅时候，成日都听到啲公公、婆婆讲番佢哋以前嘅事，我有阵时都会忍唔住喊，女人都真系水造，但依家唔系喊包！”

拍档何广沛于剧中角色有特异功能，透过物件可以接触灵异物，Hera不讳言都话好想有呢个招数，充满好奇心︰“同女主角一样好想接触呢样嘢，但偏偏冇呢个能力。（你唔惊？）以前可能会觉得好惊，但依家嘅我会觉得好有趣，一人世、物一世，如果喺安全嘅情况下可以交流到、倾到偈，又可以畀我见到一个从来都机会冇接触嘅世界，会觉得好有趣，锺意去冒险、八卦，想知多啲唔知嘅嘢。”

讲到无綫近年推出嘅奇幻剧《金宵大厦》、《十二传说》、《降魔的》等都有收视保证，证明大众对奇幻剧感兴趣，佢直言都希望《异》嘅口碑好，好庆幸可以参演到呢套剧︰“呢个经历觉得比较特别。（担心大家会将《异》比较其他剧？）唔会嘅，我自己都唔会咁去比较，各有支持者、喜好。”Hera笑话相对嚟讲惊啲人比较依家同以前嘅佢，追问系咪好Care网民嘅评论？佢坦诚“都系”︰“担心大家见唔到我有进步，如果真系见唔到，咁我就真系要检讨吓，好希望大家睇一套剧系睇得舒服，好希望成为大家嘅开心果。”