“回家”贺龚水大婚 “Mandy”谢芷伦现实同样出嫁

etin

处境剧《爱‧回家之开心速递》一连三集大婚戏成为全城热话，其中“Mandy”谢芷伦（Jan）及“博士”马贯东更“回家”饮喜酒，令唔少观众直呼兴奋。但原来现实Jan亦有喜讯，原来佢近日已经同圈外男友拉埋天窗，正式升呢人妻！

上月公开答应求婚嘅Jan，昨日就喺社交网晒出婚照，亦令老公外表首度正式曝光，见其圈外老公大只有型，与其“肥叔叔”称号大有出入，难怪Jan早前曾笑指：“你都唔系好肥啊，定系我太瘦所以显得你肥呢。”2人先后换上中西两套礼服，又双手紧握、鼻尖贴鼻尖深情对望，相当甜蜜，Jan表示多谢老公令其生命变得完整，又大赞对方系上天赐畀佢最好嘅礼物。