陈茵媺仔女搞“破坏” 乱入抢镜成功呃Like

etin

前港姐冠军陈茵媺（Aimee）同老公陈豪育有两仔一女，一家人相当幸福快乐，日前Aimee撇下老公，同啲仔女出去食饭，但就发生趣事。话说食紧意粉嘅佢想自拍影相，已经set好机较啱晒角度，准备好晒灿烂笑容，但点知临门一脚影相嗰阵就畀仔女搞破坏！

​第1张先见小朋友用一条薯条入镜，第2张就用只手入镜，完美遮住佢个样！第3张薯条又继续出场，到第4张仔女终于忍唔住，要“乱入”一齐同妈咪影相，十分抢镜。见到Aimee有少少无奈，影4张都失败收场，佢仲喺社交网笑言：“其实影张自拍唔应该咁难！”一众网民纷纷畀like，大赞佢啲小朋友好搞笑同好可爱！

另外，昨日（26日）系Boxing day，陈茵媺一家五口都齐齐拆礼物，先系陈茵媺同陈豪带领3个小朋友唱圣诞歌，之后就3个小朋友开始拆礼物，最后到陈豪。