回港孖曾志伟聚会密斟 视后佘诗曼返无綫力撑？

etin

视后佘诗曼近年主力内地发展，不过心系香港嘅佢久不久都会番嚟香港同亲朋好友敍旧，近日原来佢已经秘密返班，同一班“七魔女”好友过圣诞。佢喺社交网大晒靓相，见聚会上除咗有汤盈盈、周家蔚、锺丽淇及文颂娴等好姊妹外，仲有一班男士们包括钱嘉乐、阮兆祥、方力申，最惊喜就系无綫总经理曾志伟都有现身。其实佘​诗曼早前已预告会返无綫力撑好友梁思浩嘅灵异节目，今次再同志伟聚会密斟，唔知系咪嚟紧会坐镇新嘅综艺节目，甚至开新剧呢？