预告性感战衣争视后！黄智雯晒低胸露背裙迎圣诞节

etin

艺人黄智雯（Mandy）昨日（24日）出席apm的“平安夜感谢日”活动试做店长，并近距离跟观众为颁奖礼拉票。Mandy以一身抢眼的红色低胸大露背连身裙上阵，非常有节日气氛又性感，她说：“最近开工冇时间扮靓，今日难得可以见观众就扮靓啲，又可以感受吓圣诞气氛。”她称今年圣诞节难得有一日假期，问她会如何运用？她说：“应该都系瞓觉，但都会食饭，都想睇吓圣诞灯饰，我拍剧拍到思觉失调，所以有时间都要叉吓电。（准备咗礼物畀另一半未？）完全冇时间准备，请佢食饭啰。（另一半准备送咩畀你？）因我生日好近圣诞，所以都系夹埋一份，已经收到份礼物，系好贴心又贴身嘅礼物。（内衣？）唔系，呢个我自己买。系啲好实用嘅嘢，我唔需要好物质，系心思，因为佢见我最近腰酸骨痛，所以买咗啲嘢畀我纾缓。”

​对奖项随心

另外，台庆颁奖礼将至，问到当日战衣，Mandy仍在挑选中，交由造型师帮忙：“我最近剪咗个新发型，所以想畀人新感觉，应该都系小清新，但都会少少性感，希望当晚天气唔好太冻，不过女仔系有抵冷能力，会贴暖包。”讲到心情，她坦言正在拍剧，今她分散注意力，故不像以前般紧张，自己亦会调节好心情，对奖项随心：“好开心，可以同姚子羚一齐角逐视后5强，入到围已经系好大肯定，每人都好值得攞，如果有奖当然喜上加喜。”