陈晓华获赞演技有进步 何广沛平安夜唔搵朱晨丽？

etin

前港姐陈晓华（Hera）、何广沛、吴业坤、麦秋成等，昨日（24日）为无綫剧集《异搜店》宣传，期间分组玩游戏之馀，又齐齐唱圣诞歌，气氛热闹。谈到剧集开播至今反应不俗，曾被狠批演技的Hera说：“我知自己仍然有好多不足，都担心观众会睇得唔开心，好在睇到啲评论都系舒服嘅。（评语入面有冇闹你㗎？）我记得拍嗰时监制有话我，今次虽然系第4套作品，但戏份比较重。（放松晒？）唔系，但睇番一年前嘅演技真系差好远，希望下套剧会更自然同舒服。”她不讳言最需要改善紧张，以及表情崩紧。作为拍档的广沛，则表示Hera的确有进步：“拍呢套剧时播紧《迷网》，佢孭住好大压力，但经过几个月拍摄同调校系进步咗嘅。”

平安夜点过？

昨日是平安夜，不过Hera却表示冇人约，自己又怕多人，所以只会与养狗仔的朋友约会，广沛则透露约了方绍聪及郭子豪两位好兄弟开派对，问到为何不约绯闻女友朱晨丽？他说：“睇有冇时间啦，因为又要拍剧同搞网上节目嘅嘢。”