罗子溢晒一家四口全家福 B仔样貌曝光似足老窦

etin

艺人罗子溢刚于上星期再做老窦，太太杨茜尧生咗个B仔，凑成一个好字！一直保密喜讯嘅佢，佢之前突然喺社文网大晒BB脚仔相报喜，令到一吹网民相当惊讶，但系B仔嘅样子就从未曝光！昨日（23日）罗子溢喺社交网大晒一家四口嘅全家福，终于睇到B仔个样啦，虽然B仔先啱啱出世冇耐，但系已经有唔少头发，五官立体，望落似老窦罗子溢一样咁靓仔呀，而久未露面嘅杨茜尧望落面尖尖，生完B都完全冇水肿！

​罗子溢留言多谢大家祝福，并感激太太：“连日嚟收到大家嘅讯息，感谢大家嘅祝福！作为丈夫，好感激太太嘅付出，怀孕期间太太同时要照顾心心，又要打理各方面嘅事情，要好感激太太嘅一切一切，当细佬出世嘅时候，睇到心心有微妙嘅转变，感觉佢突然长大，可能感受到自己系姐姐，睇到佢主动摸细佬、锡细佬，我同太太都好感动，作为父母最大心愿都系希望自己嘅小朋友能快乐、健康成长！”佢仲有感谢医护人员连日嚟嘅照顾。

而佢接受访问时话：“细仔出世有7磅几，相比起大女出世嗰阵就胃口好啲，但无论系凑仔定凑女都一样系咁攰啰！”