马国明唔谂再攞视帝 宁愿发5千万横财梦

etin

马国明昨晚（22日）到铜锣湾出席无綫新剧《隐形战队》煞科宴，正忙于拍摄新剧《法言人》的他，指《隐》剧是拍剧以来最多动作戏的一次，原本都要操肌，但奈何由收到通知拍摄只有2、3星期时间，故没有时间可以操弗，他说：“我都有去操体能，因为套剧要应付好多动作场面，好在平时都有踢波，拍摄时坚持每日跑步一个钟练气。”

马国明入围无綫台庆颁奖礼“视帝”最后5强，问到可有信心再攞奖？他笑说：“随缘啦，我都唔知道点解入到5强，为因今年大家都好平均，睇吓边个幸运啲。自己会睇好谭俊彦，虽然冇睇佢嘅《换命真相》，但系有睇佢嘅《 十八年后的终极告白》，佢演技齐晒，争在时机，佢又同《鱿鱼游戏》主角撞样，连人气都有，今年就系时机。（唔想再攞视帝？）随缘，情愿将啲运气放喺中六合彩度，我好知足，5,000万就够，中咗即刻唔拍剧住，放个长假。（唔系第一时间娶汤洛雯？）中咗再去谂点搞婚礼，希望有呢个幸运畀我啦。”