手握至少2亿物业 郭可盈西贡独立屋曝光

etin

前艺人郭可盈家底丰厚，名下有多个豪宅物业，早前佢与老公林文龙及囡囡为爱犬庆生时，就意外曝光家中饱览维港海景景色，相当奢华。其实佢除咗喺2005年年豪掷5千万，一口气狂扫“一号．银海”四个1,200多呎海景单位外，早喺2002年佢亦以2千几万买入西贡匡湖居4层独立屋，近日佢哋一家人就去到独立屋度假，并上载靓相至社交网，令独立屋环境曝光。

相中见屋内放有超巨型圣诞树，比起郭可盈仲要高，佢为咗挂上圣诞装饰，更要出动钢梯，而圣诞树旁亦有落地大玻璃窗，见到屋外有大花园及草地，对出就系白沙湾游艇会，景色宜人。另外，佢早前与同囡囡喺度假屋天台玩水，见天台足足放得落两个大型充气泳池，空间阔落。其实该西贡独立屋系区内知名豪宅，目前已值至4500万以上，加上“一号．银海”四个单位，意味住郭可盈手握至少2亿物业。