高海宁自认辣妹 挑战日本史上最辣拉面食到呕

etin

艺人高海宁（高Ling）、何依婷（Regina）及黄庭锋等，昨日（19日）出席食肆开幕活动，高Ling自爆最爱食辣同香料，试过食到呕，她说：“好锺意辣同重香料嘅嘢，例如印度、墨西哥、西班牙嘅食物。（唔怕对皮肤唔好？）我觉得食辣会令你出汗，加速血液循环有排毒作用，对皮肤都好啲，你睇我就知啦。（即系辣妹一名？）哈哈！我真系好锺意辣，前排喺朋友度试食劲辣芝士波，结果条脷辣咗15分钟，不过最犀利都系喺日本食过碗史上最辣拉面，我食完即刻胃痛同呕添。（攞苦嚟辛？）人一世物一世乜嘢都试吓嘛。”问到她拣男友是否也需要食得辣？她笑称不用，否则更难找男友：“最好可以一齐食啦，但我唔会逼佢，不过佢都唔好逼我食芫荽，我最怕，哈哈！”

Regina听到辣就说怕怕，皆因有童年阴影，她説：“细个唔识搵灯笼椒同尖椒，有次我姨丈买煎酿三宝畀我食，仲话唔辣添，点知我一食就辣到爆，自此就唔敢食辣。”她指自己最爱下午茶，喜欢食鸡蛋仔、鱼蛋烧卖等小食，亦因此晚餐会只吃少少便饱。谈到近况，她指有份主演的《十月初五的月光》刚播完，宣传亦告一段落，受惠于剧集受欢迎带挈，近来多子出活动，亦有接拍广告，现正拍摄另一新剧《发言人》。高Ling则表示正在放假休息，圣诞节可与朋友开派对。