晒极抢手奢侈品 蔡嘉欣自认唔“拜金”冇人睇

etin

前港姐蔡嘉欣一向惹火，近年更被标签“拜金”，难得佢一啲都唔介意，更唔怕畀人讲，再接再厉晒出奢侈品开箱新片抢眼球，近日佢就上载新片，见佢身后整齐摆放好几个奢侈品牌纸盒及纸袋，未拆箱都Feel到阵“贵气”，加上佢自认每次拍“拜金”片，点击一定多人睇，所以佢都决定继续Sell呢个形象，宁愿View数行先！​佢先后拎起两个手袋仔，眼利网友就发现佢其中一个手袋依家极抢手，虽然款式价格未去到“价值不菲”，不过就VIP先有机会去专门店购入，加上Waiting List排晒长龙，真系“有钱都未必买到”，唔怪得佢拆袋时都即变心心眼。另外佢又晒出其他新入手靓鞋，全部都系同一品牌产品，仲着埋上身顺便晒长腿，咁识做，唔怪得新片出街几日即有5位数点击，睇嚟“拜金”真系有市场。