首演情侣︱林夏薇做“灭绝师太”搞谢马国明？

etin

马国明、林夏薇、张頴康、黄嘉乐等昨日（17日）在将军澳电视城为无綫新剧《法言人》进行拜神仪式。饰演律师楼师爷的马国明虽然不是演律师，但在办公室的戏份对白也多多，他说：“有时一个案件，成10页对白，好多法律对白要背，同埋未出晒剧本要飞纸仔，都考少少急才，收到纸仔就要即刻背，所以有啲NG 都好正常，哈哈。（角色似郑嘉颖Law霸？）唔同，佢系律师同埋火爆啲，我就斯文嘅，角色有啲小聪明，识睇法官、对手眉头眼额。”

林夏薇自细志愿是做律师，今次拍剧终于有机会圆梦，她说：“入行以嚟终于有机会第一次做律师，自己都好紧张，好多对白要讲，拍之前睇咗一啲律师戏去准备，仲买定合桃补补个脑。”

马国明与林夏薇继《寒山潜龙》后再合作，更首次饰演情侣，在《七公主》大胆大露背演出的她被问到今次可有激情戏？她笑说：“又嚟，唔好喇，都期待之后有咩场口就，因为剧本仲未出晒。（如果写到好激呢？）又嚟，应该唔会，今次角色系灭绝师太尖酸刻薄啲嘅。”