杨茜尧秘密生仔 罗子溢再做老窦笑唔停口

etin

艺人罗子溢与杨茜尧结婚5年，二人去年4月荣升父母，诞下爱女小珍珠，估唔到二人两年抱两，前晚（15日）杨茜尧秘密生仔，母子平安，凑成一个好字！罗子溢早前一直停工原来系为照顾太太，罗家近日更搬咗新屋迎接小生命，今次杨茜尧收收埋埋大肚，罗子溢就想尊重老婆，所以迟迟未公布喜讯。罗子溢见到囝囝出世，已经笑到唔停口，昨日（16日）都忍唔住打电话畀身边朋友报喜。​刚刚经历分娩之痛嘅杨茜尧，亦已经恢复精神，回覆谓：“多谢大家关心，感谢各位🙏🏻❤️”

再次荣升“姑妈”嘅张文慈，亦指会下月尾回港探BB：“好戥细佬（子溢）开心呀，凑成一个‘好’字。希望BB健康成长，等我一月尾返嚟，补番封大利是畀佢，同埋同细佬饮茶敍旧。”而罗子溢好友张曦雯回覆说：“佢冇讲我知呀！真系㗎 ？恭喜晒，我会买件衫仔送畀BB，听到呢个消息好开心。杨茜尧好友林夏薇则说：“我都啱啱知先呢个消息，真系好神秘，好戥佢开心，不过依家唔骚扰佢住，之后亲自恭喜佢。”