唐诗咏背肌美臀样样齐 周身肌肉唔系男士专利

etin

视后唐诗咏近年迷上健身，虽然正忙于拍摄新剧《隐形战队》，但仍抽空做Gym操弗，为求以最佳状态示人。昨日佢除咗喺社交网大晒于健身室运动嘅自拍照外，亦晒出一张全身独照，大骚健身成果。见佢着上黑色运动小背心、超短跑裤配黑色长袜，大玩“绝对领域”！即使佢只骚背面，都依然好有睇头，其腰背肌及臂肌尽现，简直周身肌肉，加上其丰臀线条，够晒养眼。佢留言表示：“努力是需要‘用力’去突破，用‘毅力’去持续，用‘脑力’去思考变化。最后冲刺，突破自己不是别人。”而出名大只嘅好友林子善亦大赞：“有料到喎！”