《十》剧结局饭局 胡鸿钧屈何依婷出两万抽奖

etin

由胡鸿钧及何依婷主演的剧集《十月初五的月光》进入结局篇，台前幕后昨午云集电视城，出席最后一次宣传活动，大玩游戏，场面相当热闹。适逢林伟正日生日，大家推出蛋糕为他庆生。

两位主角事后孖住受访时，胡鸿钧“屈”何依婷说：“我哋约咗星期五一齐食饭睇大结局，到时何依婷会攞两万蚊出嚟抽奖，因佢除咗《十》剧之外，之前仲有《星空下的仁医》嘛。（咁你攞几多出嚟？）唱只歌助兴算啦。”

被屈何依婷则谓：“唔系我同你及罗天宇一齐夹咩？”胡鸿钧接口说：“咁收视都有20点，所以会买啲礼物抽奖，可能有现金，价值唔好讲嘞。（你两个想唔想再合作？）梗系想，不过我暂时休息紧，何依婷就拍紧另一套嘞。”对于《十》剧后紧接再推出其主演的另一套新剧《爱上我的衰神》，被指无綫为他铺路夺视帝，胡鸿钧坦言：“唔关事，任何影视上嘅奖项，我都未有资格，依家只系储经验同学嘢。（唔拉票？）完全唔使，不过会呼吁大家去投票，投畀自己喜欢嘅演员。”