“衰人院长”够入屋 海俊杰恨攞最佳男配角

etin

艺人海俊杰最近频频有剧集出街，由《把关者们》的大恶人、到《星空下的仁医》的奸诈上司，再到近期《十月初五的月光》的暖男爸爸，他都一一拿捏到，演技大获好评，在《万千星辉颁奖典礼》更凭《星》及《十》获提名“最佳男配角”，亦凭《星》获提名“我最喜爱电视男角色”及与龚慈恩获提名“最受欢迎电视拍档”等。对于获提名，他表示很开心：“今次系我第一次有份提名角逐，仲要系五项提名。如果问我最想得到嘅奖项，就系最佳男配角，系《星》院长一角， 因为我好喜欢院长呢个角色，估唔到出街会有咁大回响，令人又爱又恨。（恨攞奖？）如果问心当然想攞奖喇，因为得到奖项系对我咁多年演戏嘅肯定，不过都系平常心，今年参与咗几部剧集都有份提名，拍摄过程都好开心，希望嚟紧有更多不同类型嘅角色可以试。”

讲到他饰演坏人睇到观众咬牙切齿，出街时更被观众称为“衰人院长”，问他喜欢演奸角还是暖男？他坦言：“其实咩角色都有发挥，但如果要拣，我锺意演奸角多啲，因为演奸戏比较需要时间揣摩，内心戏难度较高。虽然《星》出街嗰段时间我成日都畀人话系好衰嘅院长，但开心嘅系我嘅演出令观众有深刻印象同得到大家嘅肯定。”他又笑言希望凭《十》祝展辉一角挽回少许暖男形象：“当中剧情复杂嘅关系，亦第一次有个廿几岁嘅女，所以都有啲挑战性，希望呢个角色可以入到屋。”