对《拳王》收视顺其自然 张振朗：都做尽晒！

etin

无綫台庆剧《拳王》一众艺员包括张振朗、姚子羚、赖慰玲、朱敏瀚、黄子恒、许家杰等等昨日（12日）齐齐为剧集宣传。为剧集操得一身肌肉的张振朗，表示打拳外，亦有一幕要玩滑翔伞，他説：“自己第一次玩，仲要揸埋部机自拍，本身预计20分钟航程，但突然风细咗，要5分钟内演晒场戏，好难忘。”问到对收视睇法，他指顺其自然：“做尽晒，希望有唔同嘅嘢畀观众睇，以前我太瘦，依家变大大只。”

许家杰亦表示同意，他説：“大家睇到都会哗一声，振朗一身真肌肉，我就减脂肪。（练咗几耐？）一个星期会跑几日步，主要练拳摆第一位，之前学过两、三年拳，不过系BB班，净系识不断避开，哈哈！”对于收视，他指“神剧”通常开播收视会比较低，有信心之后会上升，笑称剧集播出后，很多朋友见到他也会引用剧中金句对他説：“一拳同我打爆佢”。

姚子羚则表示一直有与监制留意剧集收视，知道跨平台收视不俗，她説：“好开心，我好多朋友都有睇，话我今次演出好唔同。（有份提名视后，有冇信心？）今届都有好多热门人选，Linda（锺嘉欣）特登返嚟拍剧，仲有黄智雯、薇薇（林夏薇）、Ali（李佳芯）大家都做得好好。（睇好边个？）都希望自己好姊妹智雯攞到。（自己冇信心？）有奖固然开心，冇都会继续努力嘅。”谈到网民近日大赞她妹妹饶慧珊素颜靓，她赞妹妹有种独特气质：“我同大家一样咁锺意我妹，佢依家冇做主播去咗第二间公司，仲加咗人工，依家享受紧结婚生活。”问到妹已婚对她有否压力及有否追求者，她説：“都有嘅，身边朋友都成日send男仔相畀我想介绍我识。（会唔会搵阿Bob介绍吓？）有机会会问吓，唔知佢手头上仲有冇呢。（有咩择偶条件？）最紧要三观一致，人大咗觉得责任心同孝顺好重要，孝顺嘅男仔唔会衰得去边。”