追第3胎睇天意 黎诺懿买6位数钻戒奖励老婆

etin

再度荣升爸爸的黎诺懿，昨日（11日）现身工展会宣传活动勤力扑奶粉钱，同场还有黎燕珊及鲍鱼公主Lisa，黎诺懿细仔“小冬牛”于本月10号晚上6时出生，人逢喜事的他表示：“太太生产过程畅顺，因为想开刀个伤口缝合得靓啲，所以就搞耐咗，仔仔未改中文名，不过英文叫Luca，因为我哋英文名都系L字头。”

再问可会再追女？他又说太太预计封肚，但不用一定做结扎手术，不过有长辈觉得他下胎会生女：“其实生上一胎时，啲老人家话个仔似女，下胎一定生女，外母又话今胎似女，觉得下胎会生女，我听完都呆咗，如果天意要生多嗰咪生啰。”

现时打算两个够晒数的他，觉得养小朋友需要钱外，亦更需要时间：“想同老婆一人带一个，可以有多啲时间教，照顾佢哋。”况且身边已有8个契女，但不会搵契女做新抱仔，担心出现感情问题时，同契仔的父母连朋友都做不成，所以由仔仔自由发挥。他又说已送6位数字的钻戒给太太作奖励，觉得戒指款式不是重点：“最紧要够大粒，因为系我埋单，老婆话只戒指唔系买畀佢，系留畀啲仔女，一代传一代，我听完顺晒气。”

同场还有李家鼎（鼎爷）和囝囝李泳豪，鼎爷即场示范烹调两道家常小菜“香煎红衫鱼”及“悬浮炒饭”，仅以20分钟就轻松煎出红衫鱼及炒出黄金炒饭。鼎爷被问到大受女粉丝欢迎，不停被集邮时，他说：“多谢佢哋咁多年支持，被人围住都开心。”李泳豪就爆父亲每次到街市买餸都好忙，不停被要求合照及询问入厨手得，鼎爷就话：“我唔怕被人围住，呢啲系尊重，大家用潮州话倾吓偈，仲被人以为系潮州人。”李泳豪续说都爱到街市购物，以前会打电话问父亲意见，现时工多艺熟已识拣优质食材，加上和街市档主混熟，有折扣又卖到靓货。