伙伍富桥演情侣有默契 林颖彤萤幕初吻要畀熟男

etin

艺人林颖彤（Bella）在无綫剧集《十月初五的月光》饰演“汪海琳”，她表示拍摄前有重温经典做功课，开心有人指她与旧版演员汪琳似样，原来早年2人有份拍摄电影版《十》，当时大合照已企埋一起，相当有缘。今次Bella于剧中戏份甚重，更要挑战多场喊戏：“角色都几凄惨，喊得好轰烈、大受打击，排时好担心一日喊咗一两场之后就喊唔出，今次吸收多咗经验，发现歌曲帮到我，所以一路听啲惨歌逼自己喊，但要半个钟前听定，好希望日后可以话喊就喊。”

讲到今次与前度伍富桥饰演情侣，她表示合作时未有尴尬：“OK喎，都系默契，大家好熟，依家系好朋友。（唔会笃眼笃鼻？）咁仲好，会喊得出，哈哈，我哋focus喺戏度。”她又笑言最亲密的戏只是求婚时揽揽和锡额头：“拍戏都未锡过，其实我唔想保留萤幕初吻，但可能感觉真系太妹妹。（如果萤幕初吻畀伍富桥？）好似唔系几好，要搵个年长男士带住我献出萤幕初吻先得，大家都咁新，会尴尬。”

经历炼成百毒不侵

提到之前妈妈被爆“叫鸭”一事，Bella坦言此事令她启发已大个女，要学懂保护家人：“之前都锡妈咪，依家更想企出嚟保护家人。有同妈咪倾偈，情绪方面处理咗。人生有唔同历练系好，可以帮到演戏同成长。”

当年父亲抛妻弃女，她小时候试过因家贫要行乞，身世坎坷，幸好她一直保持乐观正面：“由细到大都几多唔同经历，我唔会去咗负面，呢啲嘢令我成长，加上做呢行要面对唔同压力，所以我百毒不侵！”她表示一直有关心妈妈，但对她的私人事不会过问太多：“我尊重佢，唔可以问得咁多，佢愿意讲，我就当然会听。”