黄嘉雯变西部牛女 兴奋揽仔贺28岁生日

etin

前港姐冠军黄嘉雯昨日（7号）28岁生日，前晚获一班圈外好友举行派对庆祝，同届港姐蔡嘉欣有份出席。派对dresscode以80年代主题，个个以怀旧造型现身，而寿星女则以粉红色西部牛女打扮亮相，好有《反斗奇兵》里面嘅“翠丝”Feel，成为全场瞩目。现场布置满气球装饰，加埋Disco波造型蛋糕，相当有仪式感。其中一张相见黄嘉雯兴奋揽仔，但嗰个唔系貌似“雷神”嘅外籍男友Matej，咁亲密男友会唔会呷醋㗎？

黄嘉雯感性发文，形容好友似《反》里嘅玩具一样咁有义气：“感谢出席嘅每一位宝贝，你哋就好似我反斗奇兵Buddies 入面陪我癫陪我历险，有事又嚟救我嘅同伴！虽然我并不完美，但你哋总会接受我嘅缺陷，做我嘅朋友。细个每年生日总会有好多感受，但当人大咗，开始觉得只要身边仲有锡你嘅人，你Care嘅人系身边已经足够。肉麻野在心中，我衷心希望你哋幸福快乐，我就快乐，I Love You All。”