新戏突破入行最大尺度 汤怡爆老公当佢着泳衣

etin

艺人汤怡昨日（7日）出席英皇戏院开幕，她称向来爱看电影，尤其惊栗片：“以前唔够胆，人大咗大胆咗，喺戏院睇个环境同声效会刺激啲，同屋企冇得比。（佗B嘅时候会唔会睇少啲惊栗片？）会睇啲开心电影，所以系开心BB。（同老公第一次睇戏睇惊栗片？）系睇爱情片。”

另外，由汤怡主演的电影《致命24小时》下月上映，她透露会邀请老公看优先场及首映：“佢之前睇预告，戏入面我被虐待，佢话睇咗好唔舒服同心痛，我同佢讲你入到戏院唔好喊，佢个人好感性，同我一样咁易喊，不过佢外表畀人感觉好Cool同Man。（你喺电影入面好性感，佢会唔会介意？）佢明白系工作需要，佢话你当系着住泳衣咪得啰！佢好开明，唔介意。（做咗妈咪唔使密实啲？）我唔会框死自己，收工做妈咪，做演员就乜都试。（唔会有底线？）都系睇剧本，不过呢套戏系我入行以来尺度最大，都系好大突破。”

提到圣诞节将至，汤怡表示今次是跟BB渡过的首个圣诞：“我哋会买圣诞卡畀BB，等佢大个睇，其实我冇谂过买，有日我开工，老公喺附近行街，佢打畀我话买咗张咭畀个女，我差啲喊，冇谂过佢咁Sweet，老公有写过圣诞卡畀我，我反而好少写，我都要着重多啲仪式感，唔可以咁懒。（会写咩畀BB？）写得简单少少，等佢3、4岁就识睇，谂住每年都写一张咭畀佢。”