唐诗咏同刘佩玥“摔角”：警告佢咪再虾我阿哥

etin

艺人唐诗咏与刘佩玥（Moon）正忙于为无綫新剧《隐形战队》开工，现时拍摄已经去到尾段，预计今个月内将完成拍摄工作，前晚（5日）诗咏与Moon于一间空中瑜伽课室内取景拍摄，而剧情就讲述诗咏走去搵Moon讲数，点知两女就换来一场“女子摔角”，诗咏接受访问时说：“今日我哋好似去玩瑜伽咁，但其实我系去警告Moon，唔好再虾我阿哥（林子善），唔好收我阿哥做观音兵，所以实质上我哋系冇玩过瑜伽，最后就变咗女子摔角。”问诗咏现实生活中会否都有玩过空中瑜伽时，她笑言；“空中瑜伽我就冇玩过，但女子摔角我就好厉害，我哋两个都几狼死㗎！”

诗咏于社交网上载了与Moon的合照，留言Hashtag又有“呢位女士巧得意”、“佢应该80岁都系咁Cute”、“我怀疑系爱情嘅开始”、“又爱又恨” 等字眼，似乎与Moon的关系相当之好，诗咏亦不讳言：“我同Moon系第一次合作，但系佢都好玩得，会有啲好得意嘅Idea大家夹吓，除咗暴力之外，我哋都好有搞笑细胞，所以呢场戏拍咗出嚟我自己都好锺意。” 而Moon事后亦于诗咏的社交网上留言：“喂阿巧Sweet Sweet ahhh”，佢两个真系好有“爱”呢！