有潜质做画家！周秀娜画爱猫双目炯炯有神

etin

近年围绕住“性感女神”周秀娜（Chrissie）嘅话题几乎离不开佢瘦削嘅身形，更因而被冠以为“周瘦娜”呢个花名，但其实Chrissie一直都深藏不露，唔好睇佢高高瘦瘦，日前单凭“火柴手”同女性朋友玩“拗手瓜”秒速链赢对方，成为新一代力的代表、做大力女！

​而呢日佢喺社交网限时动态再披露另一个身份，就系画家！众所周知Chrissie系不折不扣嘅猫奴，成日出活动做访问都会讲起爱猫，甚至自嘲乐做铲屎官，顺理成章佢就拣咗猫猫做“对象”，先放大咗张猫猫相，然后就开始用铅笔起草稿，仲未落笔上色之际， 睇嚟Chrissie好似想“举白旗”咁款，更笑爆指猫为狗︰“起完草稿，点解咁似老虎狗？”话虽如此，但都冇阻佢画画心情，制成品出到嚟足已令大家赞叹不已！同幅相对比，相似度冇十成都有九成，估唔到佢画画功力咁深厚，特别系猫猫对眼，简直系炯炯有神，少啲功架都画唔出个感觉，而Chrissie亦有留言︰“肥仔嘅自画像，时间过得真快！”咁有潜质，莫非佢就系被演艺事业耽误嘅画家！