最想何依婷拎飞跃 胡鸿钧：好想睇佢喊

etin

歌手胡鸿钧、何依婷、罗天宇及姚嘉妮等现身无綫台庆剧《十月初五的月光》宣传，该剧于下月举行的《万千星辉颁奖典礼2021》获27项提名，一众演员把握时机拉票，胡鸿钧更即席献唱主题曲《祝君好》。

对于与依婷同获提名“最佳男、女主角”、“最受欢迎电视男、女角色”、“飞跃进步男、女艺员”及“最受欢迎电视拍档”，他更入围“最受欢迎电视歌曲”，依婷则角逐“最佳女配角”，胡鸿钧即踢爆指依婷曾扬言若果届时能踏上颁奖台，定必疯狂多谢他，依婷对此说：“我讲笑，因为佢喺台上不断话我攞奖，所以我咪随口讲，话攞奖就多谢佢畀信心我。其实我觉得有奖项系鼓励，平常心面对，冇期望就唔会有失望，最想攞系拍档奖。”

胡鸿钧不讳言对依婷攞奖有信心：“就由‘飞跃’开始，佢今年嘅进步同表现系值得嘉许。（咁你对边个奖有信心？）我有自知之明，喺戏剧资历同实力都未足够可以攞奖，所以大家锺意就得，我对奖项唔强求，但对依婷嘅奖项就好强求，好想睇佢攞奖时嘅表情，拍剧对佢几个月，一睇就知系真喊定假喊。（你对电视歌曲奖信心大啲？）《祝君好》系一首经典作品，不容有失，所以之前都花咗唔少时间重新编曲，希望大家会锺意。”