圣诞唔使Dry住过 周秀娜自爆有靓仔陪

etin

艺人周秀娜（Chrissie）和形象指导马天佑昨日（2日）现身中环时装店当一日限定店长，2小时内为多位客人配衬服饰，低胸上阵的Chrissie下身配短裤黑丝袜，露出一双煞食筷子脚，她透露今年圣诞将开两剧，故难得在港度圣诞，会事先布置屋企和买圣诞礼物，问到第几年单身过圣诞？她撒娇说：“提呢啲做乜？每年圣诞都开工系开心事，我唔系单身过，有成个剧组陪，对手又系靓仔。”

她自言唔急于拍拖，觉得有真命天子当然好，但最紧要适合。她突然又说转天气dry易敏感。问到不如找个医生男友医“敏感”？她笑言经常弄伤脚及皮肤敏感已经常见医生：“我唔强求，自己都想拍拖嘅，相信吸引力法则，自己一个人都好enjoy。”

她透露圣诞有人约，问是否追求者？她说：“唔知系咪追求者，朋友啰！（好懒懒闲？）唔系，其实好彩喺香港，有时间相处，唔想咁快讲定，畀机会自己，可能仲有好多呢！”

​