胡曦文派30万护肤品赠基层 陈敏之教囝囝做善事

etin

名媛胡曦文（Christy）、陈敏之及陈逸璇等昨日（1日）现身深水埗向基层家庭女士派发物资，身为发起人的Christy更偕同未婚夫罗御轩到场，她透露今次出动总值30万元的护肤品派发：“疫情下基层嘅经济困难啲，但临近圣诞节，女性都想令自己靓啲，平时唔会有呢啲钱买呢样嘢，所以希望佢哋多啲自信。（今次出钱又出力？）今次我就冇，系讲心唔讲钱，都系啲有善心嘅朋友捐出嚟嘅。”

而敏之则表示平日也经常到该区做善事，也曾带儿子派发玩具给柬埔寨小朋友：“佢哋冇收入，我叫个仔捐自己啲玩具出嚟，佢都好乐意。”谈到近日于无綫节目《麻雀斗室三决一》大杀四方创下六连胜局面，敏之坦言全属意料之外：“我唔系好识打麻雀，嗰日真系好恐怖，件红衫好旺，人哋话坐西位系衰，点知我就系最好，今次可以话系盲拳打死老师傅，依家都冇朋友敢约我打麻雀，话我好邪。”