何依婷忽然富贵 入住烟花海景豪宅

etin

无綫新剧《十月初五的月光》中饰演新版“祝君好”嘅何依婷，近年相当入屋，2017年夺港姐亚军入行后，即被公司力捧，多套剧即使做女配角都依然弹起，成功变宅男女神嘅佢，今年仲有份挑战视后！不过曾被揭出身基层嘅佢，去年仍出入太子旧楼，但今年开始，佢已搬往红磡顶级豪宅，该屋苑出名可以饱览维港烟花靓景，最细单位都有1,400呎，市值3,000万至近亿元。唔只咁，佢更被发现出入驾驶50万名车代步，就连去Set头都系高级发廊嘅VIP，平时亦多同妈咪出入名店湿平，开工时又自掏腰包使2万蚊请贴身助手照顾自己，明显升呢。