投诉冯盈盈！方力申为陈滢避合照解画

etin

由无綫综艺节目《男神厨房》延伸的《男神厨房开业喇！》，除了搵来其中3位冠军级男神谭俊彦（Shaun）、方力申（小方）及张驰豪坐镇之外，还有关礼杰、伍允龙以及靓女助手陈圣瑜、关枫馨、叶靖仪参与，将会分4日比试，于餐厅合共招待80位已订座食客兼少量Walk in名额。

众人昨日（29日）齐集餐厅为节目造势，睇落以私下有开餐厅的Shaun比较占优，见他一到埗就急不及待走入厨房睇环境，果然非常专业！但受访时他却谦说怕到时煮唔切，更笑言应该会辛苦过落餐厅帮手：“分开两次40人，又要谂点样逐碟上，保温系最重要。（未试过煮咁多人？）最多试过煮100人到会，疫情之下餐厅要帮手就咩都要做，好难请人，又试过去送货，到依家先叫守得云开。”又透露今次亦会煮三文鱼菜式，会提供辣与不辣两个选择。

谭俊彦厨艺“超晒班”

小方听到对方是高手后，未比试就好似先想投降，又大赞Shaun“超晒班”！讲起对手的菜式有口味选择时，他借意投诉绯闻女友冯盈盈：“上次喺节目，佢唔食得辣就批评我煮啲嘢辣，好明显系佢嘅问题啦，题目系辣呀嘛！”Shaun帮口说：“女性嘅食客系比较难以捉摸嘅，但顾客同女友一样永远是对的。”小方笑说：“怪唔之得我仲未学到呢样嘢啦！”

问到小方对新比试有信心？他坦言没有，更搞笑话再参加节目是天意，而上次则是消孽帐：“好明显未消除晒孽帐，就叫我再返嚟，冇理由逆天意。”并自嘲零厨艺，笑言夺冠后被质疑做假：“识煮同撞得好味系两回事，只系可能啱啱好落中调味料好食，我有叫Book咗枱嗰啲食客唔好嚟㗎，嚟嘅话就后果自负！（到时煮啲咩？）煎带子，不过今次预先知道煮咩，就可以做吓功课。”

​解释不合照原因

打趣问开业当日可会邀请另一绯闻女友陈滢光顾？他抵死笑话没有：“叫得佢嚟即系害咗佢，讲到明系唔识煮，仲叫人嚟？”追问为何陈滢上次落荒而逃？他直言不知道：“要问番佢。（陈滢隔离期间有送花？）唔讲呢啲嘢啦！”然后大爆陈滢避合照后有联络他，讲“唔好意思”兼解释不合照原因：“佢话唔想再成日围绕住绯闻，但我同佢讲咁样走咗去仲难捉摸，陈姑娘不嬲天不怕地不怕，做自己。（佢唔系怕先走？）咁先劲，走咗都唔怕我哋继续讲佢同写佢，真系冇嘢！”