天然靓样无添加︱游嘉欣初中照曝光劲Pure

etin

无綫小花游嘉欣青春无敌，去年凭住《香港爱情故事》爆红，之后剧接剧，与林正峰组成萤幕情侣演出《青年心城之撑起青春》，前途无限！传说中叫得嘉欣都系靓女，好似锺嘉欣、李嘉欣、蔡嘉欣咁，而游嘉欣个样都生得好甜美，今年只有21岁嘅佢真系大把时间同机会，日前佢就上载佢中二时候照片，学生妹Look，素颜无添加，证明佢由细靓到大，天然靓样冇加工，佢留言话：“畀啲惊喜大家，图二送上初中嘅我，嗰时仲系短头发，睇返都好有冲动想剪。”网友留言话“好似依家呀！证明游游纯天然唔使执样”不过都有网友话唔认得，笑言“边位呀？”