蔡洁第一次拍无綫剧 获三项提名

etin

艺人蔡洁昨日（28日）出席无綫剧集《拳王》宣传活动，她透露在剧中跟朱敏瀚及张振朗有段离奇感情线，她笑言：“泰拳入面有个术语系格食格，我哋3个嘅关系就系咁，戏内讲我哋嘅感情好深厚，戏外佢哋好老友好相爱，我系第一次拍无綫剧，要插足佢哋有难度，不过佢哋好好，好肯同我沟通又带我去熟悉环境。”

蔡洁凭此剧有份提名台庆颁奖礼的最佳女配角、最受欢迎电视女角色及最受欢迎电视拍档，问到有否信心获奖时？她坦言对最佳剧集有信心，但对自己没有信心，她说：“我第一次参与无綫剧，有得提名已经好开心。”她的生日撞正颁奖礼，若能获奖岂非最佳生日礼物，她笑谓：“我会着得靓靓去红地毡，同大家切个饼就好开心，最想剧集同其他兄弟姊妹获奖。（睇好边个？）睇好张振朗、黎耀祥同姚子羚，不过我私心想振朗攞奖，因为佢好努力，我听佢讲佢拍完上一套剧收到消息有可能拍呢套，佢提早年几去操肌，好有诚意，为咗保持身材，佢哋拍到半夜收工仲要去健身，真系好癫，被佢呢个精神打动，所以睇好佢攞视帝！”