张振朗唔急攞视帝：我今年都系入行第10年

etin

艺人张振朗与朱敏瀚昨日（28日）为无綫剧《拳王》宣传，对于《拳》在台庆颁奖礼共有26项提名，振朗称最想《拳》夺得最佳剧集奖，自己反而不急于封视帝：“我唔急，我今年都系入行第10年。监制畀咗一个好特别嘅角色我，同我以前嘅角色好大分别，希望观众锺意，攞唔攞奖系其次。”

剧中蔡洁跟2人有感情线，她笑言剧外难插足2人之间，朱敏瀚坦承跟振朗关系要好：“我哋合作咗好耐，又合作咗几部剧，我哋1年前睇住大家操肌，连埋拍摄，大家差唔多有年半时间日对夜对，所以蔡洁系好难插入嚟。（对厌未？）唔厌，我哋今晚都会一齐食饭。”

振朗坦言今日到场，才发现跟对方不约而同全黑打扮上阵，笑谓是没有夹定的情侣装，并大爆亲密关系：“之前拍打擂台戏，每日都系佢车我返工，依家佢住埋我楼上，大家做埋邻居，因为近去做Gym。（女友会唔会呷醋？）唔会，我哋系做健康活动，之前做Gym，近排睇书，依家一齐睇心理学书。（一本书一齐睇？）大家一个楼上一个楼下各自睇，我哋系正经男仔。”朱敏瀚续指还会一齐滑水，并说是好朋友及好兄弟，不会到对方家中过宿，振朗说：“有个朋友同自己有共同嗜好，大家事业一齐向前，系好开心。”