被闹新发型丑 江嘉敏爆Seed：咁叻你帮我P

etin

无綫小花江嘉敏最近为新剧《四十二章经》“变发”，剪走一头长发，短到贴耳仔，虽然清爽造型相当男仔头，但用心打扮一样可以散发女人味。昨日佢就晒出工作近照，见佢以黑色连身短裙仔上阵晒美腿，心口位置更开窿骚出事业线，加埋妩媚眼神，感觉性感。其中一张佢同化妆师及发型师嘅合照，佢更搞笑咁将两位好友P肥。不过有网民似乎仲未习惯其新发，甚至有人以简体字留言直踩：“P图都咁丑发型，真系要换个发型师了”，即触动江嘉敏神经，罕有以简体字留言回覆：“你咁叻，你帮吓我P靓个发佢啦，我唔识P”，寸爆反击。另有网民笑指其短发样似足电影《长江七号》嘅徐娇，佢就表示：“ 哈哈，有其他人讲。”