放学去拍剧劲辛苦 炎明熹喊唔出导演出招KO

etin

无綫“声梦小花”炎明熹（Gigi）日前于学校为新剧《青春本我》拍摄，由于当晚傍晚时份拍摄，Gigi放学便要赶过来开工，故一脸疲态。此剧快拍快播，更已定于下月5日播映，她谓：“拍埋呢几日就完，少少攰，因为放学就过嚟，辛苦梗系辛苦，但自己已经享受咗个过程。（有戏瘾？）系有咗投入感觉，前排开始有啲经验，开始唔舍得，之前拍喊戏我喊唔出，导演就引我喊。（佢点引你？）就系唔讲得，因为唔系几想用眼药水，到第2次拍时我就MOOD到喊得出。”说到剧中角色如她现实生活中一样，比较文静，她谓：“因为导演都想角色附合自己真实性格多啲，所以叫“青春本我”，咁样自己容易少少，如果突然要我演啲活泼角色，可能难HANDLE啲！”她又指未有想法之后想演甚么角色，自言是一个“没谂法”的人，“如果有一样嘢我好想做我会讲，但系我又冇乜经验，不如公司决定咗再安排畀我尝试。”

此外，说到剧中母亲陈炜指见她很瘦，故不时买东西给她吃，Gigi闻言即开心谓：“系呀！陈炜妈妈真好人，第1次见佢觉得佢做戏真系好犀利，之前收到剧本我有幻想画面出嚟，但到真系拍嗰日，系真系同我幻想嘅一样，仲要系更加好，我真系哗咗出嚟！陈炜前辈个样好深刻喺我个脑度，佢个样好容易记，好亲切，有似曾相识嘅感觉。”

她透露拍完此剧会忙于为本周日的《星光熠熠耀保良》彩排，问她平时与其他“声梦学员”开工时有否一起唱歌，她笑谓：“因为我哋拍剧少咗好多时间练歌，所以一得闲就忍唔住唱吓，正式时就会变得好安静、投入。”

另外，ViuTV的《全民造星IV》中，花姐至爱的邱彦筒同样是刘海发型，更被指与Gigi好相似，她说：“我近排拍剧都冇乜点留意，但有听人讲过，因为一拍嘢我就好少睇手机，会MISS咗好多嘢，但我觉得每个人性格都唔同，所以冇话边个似边个。”