Non-stop打机8小时！苏皓儿被嗌“废青”劝搵工

etin

凭Fit爆身形、甜到漏面孔，被封为“宅男女神”的苏皓儿（Chloe），最近接受同门师兄灰熊（苏宸褕）挑战，大玩“5秒定律女神版”，测试Chloe究竟系真女神还是假冒女神。游戏开始前，灰熊大泼冷水表示：“以我认识嘅Chloe，反应有啲慢，我觉得5秒定律呢啲游戏，对佢有少少难度，同埋我觉得佢会系一个假冒女神。”

不过游戏过程中，Chloe展现美貌与智慧并重的一面，期间问到她“和伴侣共处时唔会做的3件事”，Chloe轻松答道：“剪指甲、撩鼻屎、𢱑脚趾”灰熊闻言即笑说：“呢啲嘢，女神一定唔会做，女神边会撩鼻屎，女神系唔会放屁、啲牙亦唔会‘摄’条菜。”而问到“3句最粗俗骂人的说话”，Chloe即说：“你好肥、你块面好肥、你今日好水肿！”说话一出，身旁灰熊又笑言：“难听过粗口！”不过综合游戏测试，灰熊指Chloe依然系有女神Feel，是真正女神。

为更了解女神另一面，灰熊不断“追击”Chloe，终于发现Chloe原来有鲜为人知的一面——打online game，Chloe透露：“最疯狂试过一日打8个钟，由凌晨12点打到朝早8点，嗰时会开咪同唔识嘅人打，啲人仲问我系咪住喺外国，因为我次次都系外国时间先上线，嗰时识咗一班网友一齐打机，每日都会打机同倾偈，佢哋觉得我冇工返，仲鼓励我去搵工。嗰时我网名叫‘顽皮仔’，所以啲网友劝我‘顽皮仔，你去搵工啦，唔好做废青’，不过我依家少咗打机。”灰熊笑言原来Chloe最麻甩一面，就是她的网名“顽皮仔”。