姚子羚获惊喜庆生！赖慰玲恨加咀戏被黎耀祥嗌死开

etin

艺人姚子羚、张振朗、谭俊彦及赖慰玲等，昨日（22日）现身大埔为无綫台庆剧《拳王》宣传，场面热闹。11月生日的子羚及孟希璘获一众拍档推出蛋榚送惊喜，令她们感动非常。子羚前日（21日）生日，与多年朋友及家人举行派对：“我带埋只狗去，似工人姐姐多啲，因为要放狗，我都有畀少少蛋榚佢食。（有乜生日愿望？）切咗好多次蛋榚，讲咗好多生日愿望，我嘅愿望就系所有愿望都成真，哈哈！系咪讲咗出嚟唔灵㗎？我讲一个啦，希望《拳》剧创佳绩，呢套剧为我带嚟好成绩。”

​谈到生日礼物，子羚表示有收花及手造蛋榚，当问到是否追求者，她说：“唔知呢！男男女女都有，真系好窝心。”至于台庆夜获得2万5千元大利是，但差点错过领奬，她说：“我当时喺度黐胶纸（防走光），但事前唔知点解都有啲预感，后来听到自己个名，连奔带跑赶返入去，有谂过除鞋走，但惊嘥时间！（谂住用嚟做乜？）个个见我都话请食饭，可以要倒贴，咁都冇所谓，我觉得系个Luck！”

爱得低调

赖慰玲于《拳》剧中与黎耀祥饰演一对，但剧情交代拍拖相当低调：“黎耀祥个角色好似唔想承认我咁，所以我觉得加场咀戏会比较好，我有主动提议，但祥仔叫我死开！我同黎耀祥两公婆关系好好，记得去年倒数我哋都一齐，已经好似家人一样。我同黎耀祥有5日戏系得我哋两个人拍咋，几年前我哋合作时我演过佢个女，今次做情人好有难度，佢喺我心目中系好有历练嘅前辈。”